قصص رعب في المقابر | نباش القبور

الصفحة الرئيسية

 قصة رعب في المقابر 

قمنا بنشر العديد من قصص الرعب القصيرة وقصص الرعب الطويلة أيضاً خلال هذا الأسبوع، واليوم موعدنا مع قصة رعب في المقابر قصة نباش القبور، الخوف من القبور شيء لايمكن لأحد تجاهله، ولا يوجد أحد لا يخاف من القبور وقصص الرعب التي تدور حول المقابر.

استمتعوا بأحداث القصة المرعبة ( نباش القبور) وتصفحوا أيضاً باقي قصص الرعب التي تم نشرها في الموقع.

قصص رعب في المقابر | نباش القبور قصص رعب قصيرة مكتوبة قصص رعب قصيرة بالعامية قصص رعب قصيرة خيالية قصص رعب قصيرة جدا قصص رعب قصيرة حقيقية قصص رعب قصيرة في مصر قصص رعب قصيرة في المقابر
قصص رعب في المقابر | نباش القبور

قصة رعب النباش الجزء الأول

عمري مفكرت اني هييجي يوم واحكي فيه اللي حصلي انا شغال شغلانه هي بتتحدد اول مبتولد وزي موالدي وافق بيها كان لازم انا كمان اوافق بيها ( اهي شغلانه الحمدلله والسلام) ايه الشغلانه اللي بتتحدد من قبل متولد.. انا شغال تربي بس ايه....... تربي ابا عن جد متجوز ومخلف ربيع وزي منا مكانش ليا راي في الدراسه قررت اني هعلمه واخليه يطلع معاه شهاده كبيره بس هو محبش العلام وطلع منه وقرر انه يشتغل شغلانه ابوه.

فيوم كنا قاعدين انا وام ربيع وربيع عالساعه 2.30 بالليل مره واحده سمعنا الباب بيخبط بس الخبطه كانت شديده شويتين قومت بسرعه وبقول مين اللي جاي دلوقتي يمكن حد عايزني افتح التربه عشان فيه دفنه الصبح لقيت مراتي بتقولي خير خير فتحت الباب وشوفت شخص كان لابس شيك جدا وكان معاه ناس كتيروكلهم كانو واقفين زي صف بس..... ورا الراجل اللي لابس شيك وفي تابوت قدامهم لقيته بيقول تربه جلال قولتله مالها قالي هنزل فيها الامانه ديه 

قولتله ازاي محدش اتصل بيا من كام ساعه عشان افتح التربه وتتهوي قالي مفيش حد كان معاه رقمك طلبت اشوف التصريح بتاع الدفن لكنه حط ايده في جيبه وطلع رزمه فلوس كتير اوي وقالي احنا عينينا ليك بس نخلص النهارده والحاجه تنزل سكت # الصراحه منظر الفلوس يخلي الجبل يتحرك 

روحت عند التربه اللي قال عليها وفتحتها وطلبت منهم انهم يستنوا عقبال منزل انضف التربه من اي عضم.... وانا نازل سالت هي الجثه راجل ولا حرمه بس ملاقيتش حد من اللي واقفين معاه رد لقيته بيقول راجل نزلت عند عين الرجاله وابتديت انضف خلصت وطلعت عشان ننزل الجثه ساعدوني ونزلناها المفروض اول مبتنزل بنرخي الكفن عند منطقه الراس لكن وانا بعمل كده كلهم سابوني وطلعو فكيت الكفن بسرعه وطلعت عشان احاسبهم وبعد كده انزل اكمل توضيب الجثه 

لكن لما طلعت ملاقيتش ولا واحد المكان كان هوس هوس ولا كأن كان فيه اكتر من عشرين واحد دلوقتي لقيتني بقول ولاد الكلب كلو عليا حق الدفنه بس هعرف اخد حقي ازاي نزلت تاني التربه وطلعت الكشاف وروحت عند الجثه بقيت اشوف صوابعها لابسه خاتم لقيت خاتم شكله فخم جدا كان معصلج جدا قعدت.. اخبط بالكشاف علي ايده لحد مالخاتم ابتدا يطلع من صباعه وانا بمش الكشاف علي وشه لقيت في حاجه بتلمع لما رجعت الكشاف لقيت حاجه غريبه اوي سنتين دهب كانو السنتين الاماميين طلعت الظرديه من جيبي (الظرديه بتكون معانا علي طول واحنا رايحين نفتح تربه عشان لو القفل كان معصلج نكسره ) 

وبقيت اشد في السنان لحد مطلعو كانو اتنين وبعد كده قولت كده كفايه سنتين دهب وخاتم شكلو غالي جدا وقررت اني هاخد الكفن برضه عشان هبيعه خلصت وخرجت من التربه وقفلتها وبعد كده....روحت لما روحت خبيت الحاجه في اوضه الضيوف اول مخرجت من الاوضه  لقيت مراتي كانت مستنياني قالتلي اتأخرت ليه قولتلها ولاد الكلب مشيو من غير ميحاسبوني كان الوقت ساعتها داخل في 4.30 قررت اني انام عشان اليوم فعلا كان طويل جدا لما صحيت تاني يوم قعدت افكر في الحاجات اللي انا خدتها وقعدت اقول ان الخاتم ده شكله غريب جدا مع انه فخم اوي بس الخاتم ده خساره يتفرط فيها لكن السنان مسيرها تتسيح وتبقي حاجه تانيه 

وقررت ان بالليل هطلع اسيح حتتين الدهب اللي معايا لحد اما يبقوا كتله وابقي اوديهم عند السايغ عشان لو روحت بيهم دلوقتي هتقفش اني بسرق فهخش في سين وجيم وفعلا استنيت بليل واحنا بنتعشي الباب خبط# قومت جري افتكرت ان الناس بتوع امبارح رجعو تاني .. مراتي قالتلي تلاقيهم افتكرو انهم نسيو يحاسبوك فتحت الباب ملاقيتش  حاجه قفلت الباب ورجعت اكمل اكل بعد مخلصنا العشا نفس الخبط حصل تاني مراتي كانت اقرب للباب ففتحت هي لكن لما فتحت لقت قطه قعده قدام الباب لقيت مراتي دخلت في هدوء المطبخ وجابت كام لقمه متبقيين من العشا وحطيتهم قدامها  

وقالت شكلها شمت ريحه العشا كل ده والقطه مبتبصش غير عليا روحت قايم هششها وقفلت الباب واستنيتهم لحد اما نامو وخرجت بالسنتين والكشاف في ايدي وولعت البوتجاز الصغير اللي بعمل عليه شاي وحطيت السنتين في طبق صغير عشان يسيحو قعدت شويه بس  ابتديت اسمع  صوت خطوات#(صوت خطوات) وانا قاعد في مكاني قعدت اقول مين وشغلت الكشاف وقعدت احركه يمين وشمال لحد اما لاقيت في حاجه بتلمع لما رجعتلها بسرعه لقيتها القطه ابتدت تطلع صوت غريب (صوت)وهي بتعمل الصوت ده فتحت بقها لقيت السنتين الدهب# بصيت عالطبق اللي قدامي اللي كانت السنان عليه لقيته فاضي 

قومت بسرعه اجري ناحيه القطه لكن اول مقومت من مكاني القطه بدأت في الجري قعدت اجري وراها بس هي كانت عارفه بتجري رايحه فين.... راحت عند التربه المشئومه اللي ابتدت الحكايه عندها..... كانت مفتوحه نورت بالكشاف جوا لكن ملاقيتش فيها حاجه ملفته للنظر بس لوهله كده حاجه عدت بسرعه جوا التربه قررت ان هنزل.... عشان اشوف ايه موضوع الحاجه ديه  اللي طلع مره واحده لكن اول منزلت لقيت الكشاف اللي في ايدي فصل مره واحده جيت اطلع باب التربه اتقفل في وشي.

نباش القبور الجزء الثاني | قصص رعب قصيرة

وقعت عالسلم وقومت سندت نفسي وقعدت علي اول درجه من السلم وقعدت اعيط وانا بقول (منا لو مسرقتش الجثث مش هلاقي اكل.... هو الجثه اللي بندفنها كل كام يوم يفتحو بيت انا لو مكنتش بطلع حسنه من الطلاب كان زماني ميت انا والوليه والواد وفي عز منا بتكلم سمعت صوت زي ما يكون زحف قلبي ابتدا يدق بصوت عالي لدرجه اني سامع صوت الدقات صوت الزحف ابتدا يقرب اكتر 

مقدرتش اعمل حاجه غير اني انفجر في العياط وقعدت اقول سامحني انا اذيتك هرجعلك الحاجه اللي خدتها منك بس تسيبني اخرج من هنا مسكت الكشاف تاني وقعدت احاول اشغله بس الحمدلله اشتغل وجهته ناحيه العين بتاعه الرجاله عشان كان صوت الزحف لسه موجود وانا في عز فرحتي ان الكشاف نور  لقيت الجثه مره واحده بتظهرلي قدام باب العين وبقها مفتوح عالاخر واللي خلاني ابص علي بقه (السنتين الدهب اللي كانو بيلمعو فيه) والكفن اللي مكشوف من علي وشه وقف ثابت كأنه بيتأملني وفي عز ما هو واقف....... الكشاف ابتدا يرعش ومره واحده قطع خالص

في عز منا بستنجد بيه ابتديت اخبط عليه عشان هو اخر امل ليا وبعد خبطتين اشتغل لقيت الكائن ده قرب خطوه والكشاف فصل تاني وحاولت اشغله لما اشتغل لقيته قرب خطوه تاني وبعد كده فصل برضه وانا عايزه يشتغل عشان اعرف الكائن ده فين.... اشتغل فعلا بس ملاقيتهوش قدامي سمعت صوت زحف ورايا بوجه الكشاف ورايا لقيته الكائن ده ومره واحده خبطه جامده علي دماغي خليتني مدراش باللي حواليا...........  صحيت من النوم لقيت نفسي في مستشفي اول مفوقت لقيت دكاتره اتلمو حواليا والكلمه الوحيده اللي اتقالت حمدالله عالسلامه

قصة رعب قصيرة في المقابر قصص رعب قصيرة مكتوبة قصص رعب قصيرة بالعامية قصص رعب قصيرة خيالية قصص رعب قصيرة جدا قصص رعب قصيرة حقيقية قصص رعب قصيرة في مصر قصص رعب قصيرة احمد يونس قصص رعب قصيرة للقراءة قصص رعب قصيرة واتباد قصص رعب قصيرة واقعية
قصة رعب قصيرة في المقابر

مستشفي ابو الروس للعلاج النفسي

يقر الدكتور / ابراهيم عزت انه المسؤل عن حاله المريض نور السيد المريض.... يدعي بان هناك مسخ داخل تربه ما قام بضربه والحقيقه هي محاوله الاستاذ نور في الانتحار اكثر من مره بعد عدم مقدرته علي تحمل خبر وفاه زوجته وابنه في حادث انفجار انبوب غاز بسبب تسريب منذ اكثر من عامين

الاستاذ نور محجوز في هذه المستشفي منذ ذاك الوقت الشئ الوحيد الذي يستمتع به هو سماع بعض القصص المسجله 

استاذ نور طلب ورقه وقلم عشان كان عايز يكتب جواب واحنا علينا ان احنا نوصله... في سبيل مساعدته بعد ان تأكد ان الجواب قد وصلك بالفعل حاول الانتحار مره اخري ولكن في هذه المره نجح ....... نور قم بطعن نفسه في عينه مستخدما القلم وتوفي اثر النزيف الناتج عن فقع العين

صابر : الجواب خلص لحد كده بس انا مش عارف ايه اللي كان ممكن يساعده لما انشر القصه بس فيه كام حاجه كده انا مش فاهمها يعني مثلا لما الباب خبط ومرات الاستاذ نور فتحت ولقت قطه وبعد كده نعرف ان هي متوفيه من سنتين تاني حاجه لما الباب خبط والناس كانو برا ومراته قالتله ان ده خير ليك معني كده انو مكانش فيه جثه من الاساس وان كل الموضوع عباره عن صدمه والاحداث من اختلاق عم نور  ....... ايه ده ........ثواني كده في اخر الرساله لقيت سطر صغير مكتوب لما مات عم نور لقو سنتين دهب في بقه.

اقرا في :قصة رعب قصيرة مليئة بأحداث الخوف والإثارة

اقرأ في :قصص رعب قصيرة مكتوبة

اقرأ في : قصة رعب أحداث حقيقية | لعنة القرين

Reactions:
author-img
Muhamed Amin

تعليقات

ليست هناك تعليقات
إرسال تعليق
    google-playkhamsatmostaqltradent