رواية رعب كاملة مكتوبة بالعامية روح الشيطان
 |
| رواية رعب كاملة مكتوبة بالعامية روح الشيطان |
المكتوب علي الجبين لازم تشوفه العين.. والمكتوب مفيش منه هروب ..ده كلام جدي العمدة اللي كنت دايما بسمعه قبل ما يموت ويسبني ادرس لوحدي العلم اللي سبهولي .. ومش عارف ليه افتكرته دلوقتي.. وأنا واقف قدام سرير وعليه بنت في العشيرنات وعلي حسب كلام اهلها انها عروسة لسه مكملتش حاجة
نظرتها ليا كلها غضب حاولت تقوم تهجم عليا لكنها متكتفة.. مسكت كوباية المية وقريت عليها وشربتها منها بالعافية.. صرخت بعنف وبدأت ترجع حاجة زي دم بس لونه أسود.. قربت منها عشان اشوفها حصلها اي.. لكن شوفت اللي مكنتش اتوقعه.
رواية رعب كاملة الجزءالأول
أنا الشيخ سعدون المحمدي.. الشيخ المميز في مكان بعيد عن صخب المدينة ودوشتها
أنا عايش علي حدود السودان.. أبويا مصري وأمي سودانية
انا هكون صريح معاكم انا الناس بيقولوا عليا الشيخ هما اللي مطلعين عليا اللقب ده
بس بيني وبينكم.. لقب الشيخ ده يطلق علي واحد عارف ربنا حافظ كتابه وبيعالج بيه، أنا أه بعالج بالقرآن بس ساعات تانيه بعالج بالسحر وتحضير الجن
تقدروا تقولوا عليا معالج روحاني.. او دجال او ساحر شوفوا اللي يريحكم
أنا جاي أحكي حكايتي عشان خلاص أنا بيني وبين الموت ساعات قليلة.. أنا دلوقتي في الكهف بواجه مصيري اللي انا أخترته بايدي.. مصيري ده اللي خلي روح الشيطان تساعدني في كل خطوة كنت بعملها .. كنت عيل يدوب مكملتش ال13 سنة.. بيلعب مع العيال في الشارع وحياته عادية جداً.. حياة طفل جميلة
بس الجمال ده كان بينتهي مع رجوعي للبيت.. وبالذات لما كنت أشوف ابويا وهو نازل من كهف الجبل وشه كان بيبقي عليه غضب ربنا.. وأول ما يشوفني يقولي
_ اي يا خلفة الهباب أنت بتبصلي كده ليه؟.. غور علي اوضتك انا مش طايق أشوفك ولا أشوف أمك البومة دي
من يوم ما اجوزتها والعيشة زفت وجات زودتها بخلفتك الهباب دي
الكلام كان بيتعب نفسيتي وبيخليني اكرهوا.. مش مصدق أن في أب بيكره أبنه كده
ولما كنت أسأل أمي هو بيعملنا كده ليه؟
اقرأ في: تحميل سلسلة ماوراء الطبيعة كاملة PDF
اقرأ في: أشهر 10 روايات من أدب الغموض والتشويق
اقرأ في: تحميل أشهر 5 روايات في أدب نهاية العالم
كانت تسكت وتقولي بكرة مسيرك هتفهم.. الجملة دي أتعودت عليها منها من يوم ما وعيت علي الدنيا ..
لحد ما في يوم قررت أروح ورا أبويا كهف الجبل.. كل اللي أعرفه ان أبويا بيروح هناك وبيكسر حجارة شغال في محجر يعني.. لكن لاحظت ان مفيش حد بيروح هناك غيره.
طلع اليوم ده كالعادة بعد الفجر وطلعت وراه من غير ما يشوفني.. ومشيت وراه لحد ما دخل كهف الجبل
وهناك شوفت اللي محدش يتوقعه.. شوفت ابويا ومعاه واحد شكله مش غريب عليا لابس جلبية قصيرة وعلي دماغه عمة بيضة وحولين رقبته سبحة كبيرة.. الاتنين قعدوا في دايرة وحواليهم شمع كتير
وكانوا بيتهزوا لورا ولقدام وبيقولوا كلام غريب أنا مش فاهم منه حاجة.. وفي اللحظة دي سمعت صوت تخين بيكلمهم وبيقول
_ أنا قولت اللي عندي العهد هيتم بدم أبنك يا محمدي.. أنت سخرتني عشان الاثار والمساخيط اللي مدفونة في الكهف وكنت فاكر ان التمن سهل... بس التمن ده انا اللي احدده يا محمدي مش أنت
رد عليه أبويا وهو بيترعش
_ أطلب مني أي حاجة.. بس بلاش أبني بلاش أنا مليش غيره.. مش هقدر ..
أبويا أترفع من علي الارض.. شوفته قدامي بيتخنق وجسمه بيتعصر وبيموت.. جريت نزلت اجري وانا ببكي من هول المنظر.. رجعت البيت صحيت أمي وأنا بعيط وحكتلها اللي حصل
أمي أنفجرت في العياط.. وقلتلي اني لازم اجهز هدومي بسرعة عشان هنمشي من البلد دي، لكن وهي بتكلمي لمحت كتاب أسود مكتوب عليه روح الشيطان.. أخدته من غير ما تشوفني ورجعت الاوضه جهزت نفسي ومشيت مع أمي لحد ما ركبنا القطر وأنا مش عارف أحنا رايحين فين؟
أمي أتكلمت وقلتلي
_ لازم يا ولدي تعرف اصل الحكاية.. الموضوع بدأ مع جدك اللي كان عمدة البلد وقتها سمع ان في كهف الجبل مدفون آثار.. وزي اي حد طمع طلع الجبل واخد معاه أبوك بس ملقيوش حاجة.. فلجأ لواحد أسمه عثمان.. وده معروف عنه أنه دجال
وكان المفروض أنه هيساعدهم لكن كل اللي عمله أنه حذرهم وقالهم
إن الكهف ده مفهوش آثار ده فيه روح شيطان محبوسة أتمردت علي العشيرة وحبسوها هنا.. واداهم كتاب عشان يصدقوا كلامه
الكتاب كان أسمه روح الشيطان.. وفي اليوم ده جدك صحي وقال أنه شاف شيطان في الحلم وقاله انه مستعد يديهم الاثار في مقابل تحرير روحه وده عن طريق طلسم جوه الكتاب
جدك وابوك فعلاً حرروا روح الشيطان.. بس للاسف مكسبوش حاجة، الشيطان خبيث وعمره ما كان صادق في كلامه
لكن المصيبة أن الشيطان طلبك انت من يوم ولادتك وقال عليك أنك طفل مميز ومعرفش يعني أي لكن انا كان لازم اخدك ونمشي عشان بعد موت ابوك اكيد كنت هتكون صيدة ساهلة ليهم ...
كلام أمي كان أشبه بحكايات ألف ليلة وليلة.. بس انا كنت صغير وقتها ومقولتش لأمي أن الكتاب معايا.. نزلنا القاهره وعشنا عند خالتي اللي كانت ارملة وأبنها في الجيش
ومرت الايام ونسيت الكتاب وحفظت القرآن الكريم وبقيت أعالج الناس من المس والسحر.. كنت بعالج وقتها بكلام ربنا وكتابه
والناس كانت بتلجأ ليا علي طول عشان احل المشاكل اللي عندهم.. لحد ما في يوم كنت نايم وحلمت بالكهف من جديد.. شوفت نفسي واقف في الكهف وحواليا شمع اسود كتير وواقف قدامي واحد لابس بدلة مهندم جداً وشيك وانيق وقلي
_ هربت مننا زمان.. بس خلاص هنتقابل تاني انا لسه عاوزك تكون معايا، أنت اللي هتكمل العهد يا سعدون
_ عهد اي أنا مش فاهم حاجه؟
_ عهد تحرير كامل روحي.. ابوك وجدك حرروا جزء وترجعوا ..
رجعت لورا وانا بستعيذ بالله من الشيطان الرجيم.. كلام أمي كان بيتكرر في عقلي ده الشيطان
ملامحه بدأت تتغير والبدلة الشيك تتقطع.. عينيه أتقلبت ابيض وشه بقي اسود عضمه برز وبقي شكله مقرف وقلي بصوت مخيف
_ هتحرر الروح يا سعدون.. هتحررها يا أما هتموت ..
صحيت من النوم باخد نفسي بصعوبة تليفوني رن.. مسكته ورديت وكان المتصل عمي طه البقال اللي المفروض هروح دلوقتي عندهم عشان بنته ممسوسة من الجن
قومت غسلت وشي واتوضيت وصليت وروحت علي هناك في كلام كان بيتردد في عقلي المكتوب علي الجبين لازم تشوفه العين.. والمكتوب مفيش منه هروب ده كلام جدي العمدة اللي كنت دايما بسمعه قبل ما يموت ويسبني ادرس لوحدي العلم اللي سبهولي
ومش عارف ليه افتكرته دلوقتي.. وأنا واقف قدام سرير وعليه بنت في العشيرنات وعلي حسب كلام اهلها انها عروسة لسه مكملتش حاجة
نظرتها ليا كلها غضب حاولت تقوم تهجم عليا لكنها متكتفة.. مسكت كوباية المية وقريت عليها وشربتها منها بالعافية.. صرخت بعنف وبدأت ترجع حاجة زي دم بس لونه أسود.. قربت منها عشان اشوفها حصلها اي.. لكن شوفت اللي مكنتش اتوقعه.. فتحت عينيها كان لونهم ابيض تماماً مسكتني من رقبتي وهي بتقول
مهما هربت مسيرنا هنتقابل يا سعدون.. هنتقابل يا سعدون
وفجأة..
اقرأ في: حكايات ألف ليلة وليلة حكاية التاجر والجني
اقرأ في: تحميل كتاب ألف ليلة وليلة
اقرأ في: قصص ألف ليلة وليلة حكاية شهرزاد وشهريار
↚
الجزءالثاني رواية رعب كاملة مكتوبة بالعامية روح الشيطان
 |
| رواية رعب كاملة مكتوبة بالعامية |
صرخت في وشي.. وسبتني ووقعت علي السرير، رجعت لورا وأنا مش فاهم حاجه مكنتش متصور أن اللي سمعتوا من أمي زمان هيواجهني دلوقتي كنت قلقان شوية لكن حاولت أظهر متماسك قدام الكل وأتكلمت بصوت عالي وقولت
_ أخرج منها أحسنلك بدل ما أحرقك.. أخرج من هذا الجسد الآن في التو واللحظة بصتلي بصة كلها سخرية وكأن لسان حالها مش هتعرف تعمل حاجه.. رجعت أتكلمت وقولت بسم الله وبحول الله وبقوة لا إله إلا الله.. أخرج الآن أعوذ بكلمات الله التامات من شر ما خلق.. ربي أعوذ بك من همزات الشياطين وأعوذ بك ربي أن يحضرون
_ مش هتقدر يا سعدون.. صدقني مش هتقدر
_ يا من ألجمت كل متمرد سلم يارب سلم ومسكت المصحف ورفعته في وشها.. فضلت تصرخ تصرخ وفكت نفسها من كتر الحركة الزايدة ووقفت علي أيديها ورجليها زي الحيوانات
جسمها كان بيظهر عليه آثار ضرب ونطت من علي السرير ومسكت في أبوها كانت هتموت الراجل جرينا عليها نحاول نكتفها.. والله كان فيها قوة عشر رجالة في بعض ومحدش كان قادر عليها حرفيا وبصعوبة قدرنا نكتفها تاني في السرير، مسحت عرقي وأنا بقولهم مش سهل يخرج
بنتكم ملبوسة من روح شيطان عايشة علي دم الأطفال أنا معرفش اي الغرض أنها أتلبست بس ممكن تكون عملت حاجه مثلا والحاجة دي تكون جذبتهم ليها ردت أمها عليا وقالت
_ حاجة اي .. أنا بنتي متدينة وعارفة ربنا ومش بتسيب فرض
_ مش لازم تكون عملت حاجه غلط من اللي جات في بالك يا حجة.. وجود الجن مرتبط بحاجات تانية زي مثلا أنها كانت بتحب تقف قدام المرايا كتير او بتدلق مية سخنة في الحمام مثلا.. ده قصدي يا حجة
_ لا يا عم الشيخ بنتي حالها أتشقلب من يوم ما أتجوزت معتز ابن خالها.. كان بيحبها وهي كمان كانت بتحبه بس من يوم ما دخلت بيته وهي كده
_ ومعتز ده فين؟
_ طلع راجل ندل وطلقها أول ما عرف انها اتلبست بدل ما يقف معاها
_عموما انا هاجي بكره وهحاول أوصل لحل ...
مشيت وانا محتار اللي حصل زمان وحكته أمي غريب جداً.. روح الشيطان اللي حررها أبويا وجدي وطمعهم في الاثار.. والشيطان اللي طلبني عشان انا مميز كل كلام أمي بيتكرر في عقلي وقررت أني هروح وأتكلم معاها
روحت علي البيت وحكتلها كل حاجه.. بصتلي بصة كلها خوف وذعر وقالت
_ كده في حد جدد الموضوع.. في حد حرر روح الشيطان ده من تاني في حد كمل العهد يبني
_ طيب وأنا مالي بكل ده؟
_ مش عارفه بس اللي قاله أبوك زمان أن الشيطان ده مكنش عايز دمك.. كان عايزك تابع ليه!
_تابع ازاي يا أمي؟
_ كان عاوزك تأذي البشر اللي حواليك تكون واحد من اتباعه.. بس أبوك رفض عرفت ليه أبوك كان بيعاملنا وحش
_ الذنب ذنبه مش ذنبنا.. أحنا معملناش حاجة
_ مش وقته يبني الكلام ده حاول تعرف مين اللي جدد الحكاية.. لازم يبني قبل ما تحصل مصيبة ... أفتكرت الكتاب وأنا بتكلم مع أمي الكتاب اللي اخدته وانا صغير.. دخلت أوضتي وفتحت دولابي وطلعت الكتاب.. ورغم مرور زمن عليه إلا أنك تحس أنه لسه جديد معلهوش ذرة تراب واحدة
مسكت الكتاب وفتحته وكان مكتوب فيه..( إن هذا الكتاب لعنة.. لعنة علي كل من يملكه احذر أن تقرأ منه سيقلب حياتك إلي الجحيم)
قلبت الصفحة التانيه..( تمرد طارش علي عشيرته بسبب كراهيته الشديدة للبشر والتغذي علي دمائهم فتم نفيه إلي كهف الظلام بالعالم البشري وحذروا من يحرر روحه ستكون نهايته حتمية)
اقرأ في: قصص رعب طويلة بالعامية | العراف
اقرأ في : لعنة القرين قصة رعب حقيقية
وبعدها الكتاب في كلام مش مفهوم طلاسم وأشكال غريبة أول مرة أشوفها.. قفلت الكتاب وأنا حاسس بصداع رهيب حاولت أقوم من مكاني لكني وقعت علي الأرض وفقدت الوعي.. لما فوقت كنت في مكان تاني غير أوضتي.. شقة ضلمة مش شايف فيها أيدي، لكن كنت سامع صوت خبط منتظم جاي من أوضة جوه مشيت وانا دايخ وجسمي مكسر كأني خارج من خناقة دخلت الاوضه لقيت شاب في العشيرنات بيخبط راسه في الحيطة لدرجة ان راسه اتهشمت خالص.. جريت عليه عشان الحقه اتلفتلي وقال
_ مش هسيبك يا سعدون.. مش هسيبك يا سعدون
رجعت لورا بسبب ملامحه المشوهه تماماً.. واتكعبلت في حاجه ووقعت علي الارض لقيت نفسي بقوم في أوضتي.. بقوم من علي الارض وبسأل نفسي هو اي اللي انا شفته ده روحت لأمي تاني وقولتلها
_ أنا عايز عنوان البلد اللي كنت فيها وانا صغير
_ هتعمل ايه وهتروح ليه؟
_لازم أعرف الحقيقة.. أعرف ده حصل ليه؟
_ لأ يبني مش هسيبك تروح هناك مش هسيبك تروح مني
_ أرجوكي يا أمي لازم افهم قبل ما تحصل مصيبة
_ أنا خايفة عليك يبني
_ متخفيش خير إن شاء الله ... مشيت بعد ما أخدت عنوان القرية البعيدة جداً عن القاهرة ركبت القطر.. وقعدت في القطر 16 ساعة عشان أوصل هناك جسمي أتكسر حرفيا ووصلت هناك.. ذكريات وصور الطفولة مكنتش كفاية عشان أفتكر أي حاجة.. لقيت واحد بيوقفني كان شاب في العشيرنات كده وبيقولي
_ اي خدمة شكلك غريب عن البلد؟
_ لأ أنا من اهل البلد بس مجتش هنا من زمان
_ يعني حضرتك معاك بيت هنا؟
_ أنا سعدون المحمدي.. جدي كان العمدة بتاع القرية دي .. حسيت الراجل عينيه وسعت وشكله يعرفني... وقلي
_ أهلا بحضرتك.. بس انا معرفش بيتك فين؟
_ وهو أنا اللي وقفتك.. أنت اللي موقفني انا مسألتكش عن حاجه اصلا
_ مش قصدي والله بس لو تحب أدور معاك مفيش مشكله.. أنا طايل
_ ماشي يا طايل لما نشوف أخرتها
فضلنا ماشيين في القرية وعرفت أن بيتنا اخدوا واحد بوضع اليد يعني مش هلاقي مكان اقعد فيه.. سألت طايل
_تعرف حاجه عن كهف الجبل؟
_ أه طبعاً انا كل يوم هناك بسبب الاصوات اللي بتطلع منه... الفضول هيموتني بس بصراحه بخاف.. بخاف أدخل جوه
_ أصوات اي؟
_ مش عارف من ساعة ما الاستاذ معتز دخل هنا وفي اصوات مرعبة بتطلع من الكهف
_ أنت قولت مين؟.. معتز!.. هو أنت تعرفه؟
_ ومين ميعرفش معتز أبن الدجال اللي خلف علينا اللعنة السودة دي وبعد ما مات جيه أبنه يكمل
_ الدجال ده تعرف شكله... تقدر توصفه يعني؟
_ علي حسب كلام أهلي كان بيلبس جلبية قصيرة وعلي دماغه عمة بيضة وحولين رقبته سبحة كبيرة .. أنا من الوصف بتاع الشاب ده عرفت ان هو ده الدجال اللي شوفته مع أبويا زمان وانا عيل صغير ومعتز يبقي أبنه.. طب وجيه القاهره أزاي؟ وليه؟ قولت لطايل
_أنا عايز أدخل الكهف.. لازم أدخل
_ انا موافق بس بشرط ادخل معاك ..
وافقت وياريتني ما وافقت دخلت الكهف وطايل ماشي ورايا وبيترعش كنت حاسس برهبة وخوف ميتوصفش
لحد ما وصلت لدايرة الشمع الاسود لسه زي ما هي
زي ما شوفتها زمان وقبل ما أفكر في أي حاجة خبطة علي دماغي ووقعت علي الارض.. ومش هتصدقوا لما فوقت شوفت اي...
اقرأ في :قصة رعب قصيرة مليئة بأحداث الخوف والإثارة
اقرأ في :قصص رعب حقيقية | قصص رعب طويلة
قصة رعب عالم الأموات | مذكرات جثة
↚
الجزء الثالث والاخير رواية روح الشيطان
 |
| قصص رعب مكتوبة باللهجة المصرية |
لما فوقت لقيت نفسي جوه دايرة الشمع اللي مرسوم فيها نجمة خماسية.. معرفش أنا بعمل اي هنا لكن فلاش باك سريع خلاني أفتكر كل حاجه حصلت كل حاجه شوفتها وعرفت ان الشيطان ده ضحك عليا عشان يجبني هنا بمساعدة طايل.. اللي انا أصلا مش عارف علاقته أي بالشيطان ده وهو من أتباعه ولا عمل كده ليه!
قومت من مكاني وأنا جسمي كله وجعني وهنا بدأت تتسرب لمناخيري ريحة عفن وحشة جداً
بقيت عاوز أعرف مصدر الريحة الوحشة.. لما تتبعت مصدر الريحة لقيت قدامي حاجة صعبة جداً.. جثث جثث كتير لأطفال وبنات لما قربت مقدرتش وأصبت بحالة صعبة جداً من القئ الشديد.. وخرجت
خرجت أجري من الكهف.. أول ما خرجت ونزلت البلد لقيت كل الناس بتجري مني.. وسمعتهم بيقولوا الميت رجع الميت رجع مبقتش فاهم حاجه.. ميت اي اللي رجع ده؟ ..
لقيت نفسي بجري أنا كمان مش عارف أنا رايح فين؟.. وأنا بجري حد خبطني بحاجة علي دماغي وقعت وسط ناس البلد وفقدت الوعي لما فوقت لقيت نفسي واقف قدام راجل كبير في السن لحيته بيضة ووشه سمح وقلي
_ حمد الله على السلامة يا يبني
_ الله يسلم حضرتك.. أنت مين؟
_ أنا اللي المفروض أسألك أنت مين.. أنت غريب عن البلد دي وانا عايز أعرفك؟
_ لا حضرتك انا من البلد دي أمي خدتني وهربت زمان من هنا
_ أوعي تكون اللي في بالي.. أنت سعدون المحمدي
_ أيوة حضرتك تعرفني
_ لا إله إلا الله.. ربنا يسامحه أبوك وجدك علي كل حاجه عملوها في البلد، أوعي تكون قولت لحد في البلد
_ لأ مقولتش غير لواحد أسمه طايل
_ وده قابلته أزاي إن شاء الله.. طايل ده ميت من سنين؟!
_ ميت ازاي؟؟!.. بقولك أنا قابلته وأتكلمت معاه وروحت معاه الكهف
_ أنا عارف كل ده عشان طايل ده من أتباع الشيطان هو والدجال وأبنه معتز.. وأبوك وجدك هما السبب في تسخيره
_ منا عارف بس ده كان بالغلط هما كانوا عاوزين الاثار اللي مدفونة هناك
_ ومين اللي حكالك ده والدتك مش كده؟
_ أنا هحكيلك اللي حصل زمان بس حاول تستوعب
ابوك وجدك كانوا فعلاً طمعانين في الاثار اللي المفروض كانت موجوده في الكهف بس هما حضروا الشيطان عشان يساعدهم مش بالغلط
لكن الشيطان ده أسمه طارش واللي أبوك ميعرفوش أن طارش أحد أبناء إبليس اللي تمرد علي عشيرته بسبب كراهيته الشديدة للبشر... عشان الميثاق اللي بينا وبين الجن أنهم ملهمش علاقة بينا طالما أحنا مطلبنهمش
لكن الشيطان ده تمرد علي عشيرته بسبب الميثاق ده وكان مؤذي للبشر وعشان كده نفوه للكهف.. ولما أبوك وجدك عرفوا الموضوع عن طريق كتاب بيتكلم عنه وبيقول أنه يقدر علي اي راصد قرروا يحضروه في مقابل قرابين بشرية لكن الجن طارش طلب من أبوك وجدك يكونوا أتباع ليه وهما وافقوا وكانوا بيعملوا كل حاجه بتتطلب منهم
لحد ما طارش طلبك أنت تكون تابع ليهم.. ساعتها جدك كان مات وأبوك رفض يسلمك وعشان كده مات
ووالدتك رفضت تقولك الحقيقة عشان متكرهش أبوك أكتر
أوعي تلومها او تعتب عليها.. بس هقولك نصيحة أمشي يبني من البلد دي لو حد عرف انك ابن المحمدي هيقتلك
_ طيب انا عندي سؤال.. ليه طارش ده أخترني انا بالذات؟... وهو ليه علاقة بالحالة اللي كنت بعالجها؟
_ عشان أنت مميز.. أنت اتولدت في اخر يوم في السنة القمرية وده خلي عندك قدرات خاصة زي الشفافية وأنك بتشوف حاجات مفيش حد تاني بيشوفها
بس موضوع الحالة دي اي معرفش؟ .. حكتله علي اللي حصل لما روحت أعالج الست.. فقلي
_ أكيد الموضوع مدبر عشان يوصلك الشيطان ده.. ومعتز ده ابن الدجال اصلا واكيد مش صدفة.. اقدر اقولك انه نجح انه يجيبك واكيد مارس عليك الطقوس عشان تكون من اتباعه ولو دلوقتي سمعت آية واحدة من آيات ربنا مش هتقدر تستحمل أنت دلوقتي ممسوس منهم
_ لا مش للدرجة دي أنا هقرأ قرآن.. جيت أقول بسم الله الرحمن الرحيم حسيت لساني بيتشل مش قادر اتكلم ولا اقول حاجه ..
الشيخ أتكلم وقال : بسم الله الرحمن الرحيم
وَٱلصَّٰٓفَّٰتِ صَفّٗا (1) فَٱلزَّٰجِرَٰتِ زَجۡرٗا (2) فَٱلتَّٰلِيَٰتِ ذِكۡرًا (3) إِنَّ إِلَٰهَكُمۡ لَوَٰحِدٞ (4) رَّبُّ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَا وَرَبُّ ٱلۡمَشَٰرِقِ (5) إِنَّا زَيَّنَّا ٱلسَّمَآءَ ٱلدُّنۡيَا بِزِينَةٍ ٱلۡكَوَاكِبِ (6) وَحِفۡظٗا مِّن كُلِّ شَيۡطَٰنٖ مَّارِدٖ (7) لَّا يَسَّمَّعُونَ إِلَى ٱلۡمَلَإِ ٱلۡأَعۡلَىٰ وَيُقۡذَفُونَ مِن كُلِّ جَانِبٖ ( دُحُورٗاۖ وَلَهُمۡ عَذَابٞ وَاصِبٌ (9) إِلَّا مَنۡ خَطِفَ ٱلۡخَطۡفَةَ فَأَتۡبَعَهُۥ شِهَابٞ ثَاقِبٞ
... وَإِذَا قَرَأْتَ الْقُرآنَ جَعَلْنَا بَيْنَكَ وَبَيْنَ الَّذِينَ لاَ يُؤْمِنُونَ بِالآخِرَةِ حِجَاباً مَّسْتُوراً (45) وَجَعَلْنَا عَلَى قُلُوبِهِمْ أَكِنَّةً
أَن يَفْقَهُوهُ وَفِـي آذَانِهِمْ وَقْراً, وَإِذَا ذَكَرْتَ رَبَّكَ فِي الْقُرْآنِ وَحْدَهُ وَلَّوْا عَلَـى أَدْبَارِهِمْ نُفُوراً )... يا معشر الجن أناشدكم بالعهد الذي أخذه عليكم سليمان بن داود إن لا تظهروا لنا ولا تؤذونا
أحرج عليكم بالله واليوم الأخر أن لا تبدوا لنا ولا تؤذونا
كنت بصرخ وبحاول اضرب الشيخ اللي كان مستمر في قراءة القرآن.. وكنت سامع صرخات الناس اللي في الشارع وبيقولوا البيوت بتولع
وفي عز ما الشيخ بيقرأ بدأت أرجع حاجات سودة أشبه بعفن والشيخ حط ايده علي دماغي وبدأ يرقيني
وفتح الشيخ باب البيت عشان الاقي اهل البلد كلهم متجمعين بيبصوا علي حاجه واحدة
الشيخ سندني وقلي بص
لما بصيت لقيت الكهف اتردم وكأن في عاصفة تراب قفلته ده غير الصراخ الرهيب اللي خارج منه ..
فضلت عايش في البلد دي لحد ما اتعافيت تماماً ورجعلي بيتي اللي أتربيت فيه وجبت أمي تعيش معايا وخلصت من طارش واتباعه
او كنت فاكر اني خلصت منهم.. عشان في يوم صحيت من النوم عشان الاقي علي المكتب الصغير بتاعي كتاب روح الشيطان معرفش جيه هنا أزاي؟!
وكانت غلطة عمري اني فتحته ولقيت مكتوب..( إن طارش جن خبيث من فصيلة النار ينتقم من البشر في كل لحظة لا ينتهي أبداً يعود دائماً ليكي ينتقم)
خرجت اجري علي بيت الشيخ خبطت مرة واتنين مردش كسرت الباب عشان اتفاجئ بمنظر الشيخ ميت ومنزوعين عينيه الاتنين منظر صعب مش قادر أتحمله.. خرجت اجري رجعت البيت وقبل ما ادخل نار معرفش جات امتي مسكت في البيت وولعت فيه... وسمعت صرخات أمي من جوه
الخساير بتتوالي وقعت علي الأرض وانا بصرخ وحاولت الانتحار لكن حتي ده فشلت فيه ...
وبعد ايام رجعت القاهره تاني من رحلة الخساير لكن المرة دي راجع وانا واحد من أتباع طارش بعالج بالسحر وتحضير الجن وبعترف اني اتغلبت ومقدرتش عليهم
يمكن يجيلي يوم واعرف انتقم من روح طارش روح الشيطان.
اقرأ في: تحميل أشهر روايات دوستويفسكي
اقرأ في: تحميل رواية منزل إبليس
اقرأ في: أشهر روايات أحمد خالد توفيق pdf
اقرا في: تحميل سلسلة بساتين عربستان